Мулоқоти Раиси Раёсати БДА ҶТ “Амонатбонк” бо намояндаи дафтари кории Созмони озуқаворӣ ва кишоварзии Созмони Милали Муттаҳид дар Ҷумҳурии Тоҷикистон (Food and Agriculture Organization)
БДА ҶТ “Амонатбонк” ҳамчун бонки давлатӣ ва пиёдакунандаи як ҳиссаи сиёсати иҷтимоии Ҳукумати Ҷумҳурии Тоҷикистон буда, ҷиҳати васеъ намудани доираи фаъолияти молиявиаш муносибатҳояшро бо бонкҳо ва ташкилотҳои молиявии байналхалқӣ дар сатҳи хуб ба роҳ монда, дар ин самт тамоми тадбирҳои заруриро роҳандозӣ карда истодааст.
Дар заминаи ин гуфтаҳо бояд кайд намуд, ки санаи 7 декабри соли 2021, бо дархости намояндаи дафтари кории Созмони озуқаворӣ ва кишоварзии Созмони Милали Муттаҳид (ФАО) Food and Agriculture Organization дар Ҷумҳурии Тоҷикистон ҷаноби Олег Гучгельдыев мулоқоти дуҷониба Раиси Раёсати БДА ҶТ “Амонатбонк” муҳтарам Икромӣ С.С., бо роҳбари номояндагии мазкур баргузор гардид.
Дар рафти мулоқот масоили мухталиф, аз ҷумла додани қарзҳои имтиёзнок ба соҳаҳои хоҷагии қишлоқ, коркарди маҳсулоти саноатӣ, ба роҳ мондани истеҳсолот ва дастгирии соҳибкории хурду миёна дар минтақҳои дурдасти ҷумҳурӣ мавриди муҳокима қарор дода шуд.
Пас аз маълумоте, ки аз ҷониби Раиси Раёсати Бонк нисбат ба фаъолияти Бонк манзур гардид, роҳбари дафтари кории ФАО дар Ҷумҳурии Тоҷикистон бо итминон иброз намуд, ки нақша дорад аз аввали соли 2022 Нақшаи чорабиниҳо таҳия намуда, бо ташкил додани гуруҳи кории муштарак бо БДА ҶТ “Амонатбонк” ҳамкориро ба роҳ монад.
Дар интиҳои мулоқоти дуҷониба Раиси Раёсати БДА ҶТ “Амонатбонк” муҳтарам Икромӣ С.С., иброз намуданд, ки Бонк ҳамеша омодааст, ки ҷиҳати пиёда намудани барномаҳои Ҳукумати Ҷумҳурии Тоҷикистон махсусан дар самти дастгирии аҳолии ниёзманд ва баланд бардоштани сатҳи некуаҳволии мардум ҳамкориҳоро бо дафтари кории Созмони озуқаворӣ ва кишоварзии Созмони Милали Муттаҳид (ФАО) Food and Agriculture Organization дар Ҷумҳурии Тоҷикистон ба роҳ монад.
Қайд кардан ба маврид аст, ки ФАО як муассисаи махсуси СММ буда, бо талошҳои байналмилалӣ барои аз байн бурдани гуруснагӣ мубориза мебарад. Мақсади он пеш аз ҳама таъмини амнияти озуқаворӣ ва дастрасии мунтазами аҳолӣ ба ғизои хушсифат мебошад. ФАО дорои беш аз 194 узв буда, дар 130 кишвари ҷаҳон фаъолият намуда истодааст.
